Evdən qızıl əşya oğurlayanlar saxlanıb

Gəncə şəhərində oğurluq hadisəsi qeydə alınıb. DİN-dən verilən məlumata görə, Nizami (Gəncə) RPİ əməkdaşlarının həyata keçirdikləri əməliyyat-axtarış tədbirləri nəticəsində avqustun 22-də Məhərrəm Əsgərovun evindən qızıl və məişət əşyaları oğurlamış şəhər sakini, əvvəllər məhkum olunmuş Ramin Qurbanov və Mingəçevir şəhər sakini, əvvəllər məhkum olunmuş Seymur Rüstəmov tutulublar. Faktla bağlı araşdırma aparılır.