Liftdə qalmış 5 nəfər xilas edilib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Binəqədi rayonunda yaşayış binasının liftində 5 nəfər köməksiz vəziyyətdə qalıb. Fövqəladə Hallar Nazirliyindən verilən məlumata görə, dərhal hadisə yerinə nazirliyin müvafiq xilasetmə qüvvələri cəlb edilib. Xilasedicilər liftin qapılarını açaraq vətəndaşların liftdən çıxmasına şərait yaradıblar. Əməliyyat gecə saat 03:09-da başa çatıb.