Piyadanı vurub maşını hasara çırpdı

Bərdə rayonunda ölümlə nəticələnən yol-nəqliyyat hadisəsi baş verib. DİN-dən verilən məlumata görə, iyulun 21-də saat 07 radələrində Bərdə rayonunun Əliyanlı kəndinin ərazisində, rayon sakini Loğman Rəhimov idarə etdiyi "VAZ-21099" markalı avtomobillə yolu keçən Ağdam rayon sakini Mübariz Həsənovu vurmuş və idarəetməni itirdiyindən avtomobili hasara çırpıb. Nəticədə piyada hadisə yerində ölüb, sürücü isə xəstəxanaya yerləşdirilib. Bərdə RPŞ tərəfindən araşdırma aparılır.