Azərbaycanda banka hücum edildi, yaralı var
Hücum edən şəxs mühafizəçini bıçaqlayaraq xəzinəni açıb
Bu axşam bir nəfər "Kapital Bank"a hücüm edib. ANS PRESS-in məlumatına görə, həmin şəxs mühafizəçini bıçaqlayaraq xəzinəni açıb.
Quldurluq hadisəsi "Kapital Bank"ın Xırdalan şəhərində yerləşən filialında törədilib. Abşeron Polis İdarəsindən verilən məlumata görə, Xırdalanda yerləşən "Kapital Bank"ın filialına daxil olan şəxs orada mühafizəçi işləyən şəxsdən pul tələb edib. Rədd cavab aldıqda isə, basqın edən şəxs ona bıçaq zərbəsi vuraraq kassada olan pulu götürərək hadisə yerindən qaçmaq istəyib. Lakin kassada pul olmayıb.
Aparılan əməliyyat istintaq tədbirləri nəticəsində hücum edən şəxs dərhal həbs edilib. İstintaq sirri olduğuindan həmin şəxsin adı açıqlanmır. Onun yalnız həmin bankda inkasator vəzifəsində işlədiyi bildirilir. Hadisə vaxtı cinayətkar məzuniyyətdə imiş.
Yaralı mühafizəçi xəstəxanaya yerləşdirilib. Faktla bağlı araşdırmalar davam edir.
Hadisə yerindən fotolar:
