Məhbusa sovqat gətirilən toyuğun içərisindən telefon çıxdı

Penitensiar xidmətin və 2 saylı cəzaçəkmə müəssisəsinın əməliyyat aparatları tərəfindən müəssisəyə qadağan olunmuş əşyaların keçirilməsi cəhdinin qarşısı alınıb.  Penitensiar xidmətin İctimaiyyətlə əlaqələr şöbəsindən "OLAYLAR"a verilən məlumata görə,
   həyata keçirilmiş əməliyyat-axtarış tədbirləri nəticəsində 2 saylı cəzaçəkmə müəssisəsində cəza çəkən 1982-ci il təvəllüdlü, Azərbaycan Respublikası Cinayət Məcəlləsinin 180.2.4; 66-cı maddələri ilə təqsirli bilinərək 5 il 6 ay 18 gün müddətinə azadlıqdan məhrum edilmiş məhkum Vasif Tahir oğlu Abbasova vətəndaş Elvin Yamən oğlu Abbasovun gətirdiyi sovqata baxış keçirilən zaman iki ədəd toyuğun içərisindən hər birində 1(bir) ədəd "Nokia-6700c-1"  mobil telefon aparatı olmaqla, təxmini çəkisi bir kiloqram olan kərə yağının içərisindən 1(bir) ədəd "Nokia-5310" və 1(bir) ədəd "Nokia-6710c-1" mobil telefon aparatı, həmçinin 2(iki) ədəd mobil telefon üçün qidalayıcı batareya və 4(dörd) ədəd mobil telefon üçün elektrik qidalayıcının ucluqları aşkar edilərək götürülüb.   Fakt üzrə araşdırma aparılır.