"Bakı bulvarı" restoranında silahlı insident: 4 nəfər yaralanıb

Moskvanın "Bakı bulvarı" restoranında silahlı insident baş verib. APA-nın "LifeNews"a istinadən verdiyi məlumata görə, hadisəyə səbəb gənc oğlanın iki kişi və iki qadınla mübahisəsi olub. Sərxoş olan gənc restoranda atəş açıb, nəticədə mübahisə etdiyi 4 nəfəri yaralayıb. Lakin bununla münaqişə bitməyib. Hadisə şahidlərinin bildirdiklərinə görə, restoranın yerləşdiyi əraziyə avtomobillə qara maskalı şəxslər gəliblər. Onlar avtomatdan ətrafdakı maşınlara atəş açıblar. Faktla bağlı araşdırma aparılır.