Bakı polisi vətəndaşlardan odlu silahlar götürüb

Bakıda iki nəfərdən silah-sursat götürülüb. Daxili İşlər Nazirliyinin (DİN) mətbuat xidmətindən Trend-ə verilən məlumata görə, Nərimanov rayon Polis İdarəsi 18-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Zaur Yusifovdan "Simson" markalı tapança götürülüb. Nizami RPİ əməkdaşlarının həyata keçirdikləri əməliyyat-axtarış tədbirləri nəticəsində Siyəzən rayon sakini Oruc İsayevdən "AKSU" markalı silah, 43 ədəd patron və digər hərbi sursat götürülüb. Hər iki faktla bağlı araşdırma aparılır.