Bakıda 180 min manat miqdarında dələduzluq edən şəxs tutulub

Bakıda axtarışda olan şəxs tutulub. Xətai Rayon Polis İdarəsindən APA-ya verilən məlumata görə, Cinayət Məcəlləsinin 178.3.2 (dələduzluq, külli miqdarda törədildikdə) maddəsi ilə axtarışda olan Cəlilabad rayon sakini, 1977-ci il təvəllüdlü Elşən Xudabaxış oğlu Quliyev tutulub. E. Quliyev ilkin ifadəsində bizneslə məşğul olduğunu və 180 min manat miqdarında dələduzluq etdiyini bildirib.