Qohumunu bıçaqla qətlə yetirdi

İmişli rayonunda ölümlə nəticələnən bıçaqlama hadisəsi baş verib. DİN-dən verilən məlumata görə, rayonun Qaragüvəndikli kəndində yaşayan Vüsal Tağıyev evində qohumu Emiliya Hüseynovaya bıçaqla xəsarət yetirib. E.Hüseynova hadisə yerində ölüb. İlkin məlumata görə, hadisə ailə-məişət münaqişəsi zəminində baş verib. İmişli RPŞ əməkdaşlarının həyata keçirdikləri əməliyyat-axtarış tədbirləri nəticəsində V.Tağıyev tutulub.