Bakı polisindən böyük əməliyyat

Əməliyyat Nərimanov rayon Polis İdarəsi əməkdaşları tərəfindən keçirilib

Bakıda quldurluqla məşğul olan şəxslər tutulub. Bakı şəhər Baş Polis İdarəsindən ANS PRESS-ə verilən məlumata görə, əməliyyat Nərimanov rayon Polis İdarəsi əməkdaşları tərəfindən keçirilib. Həyata keçirilən əməliyyat tədbirləri nəticəsində aprelin 18-ə keçən gecə Təbriz küçəsində yerləşən Qarabağ mehmanxanasının həyətində Bakı şəhər sakini Tarıyel Axundovu bıçaqla hədələyərək 6 manat pulunu, brilyant qaşlı qızıl üzüyünü, gümüşdən olan üzüyünü, boyunbağını, qolbağını və qol saatını alaraq ona qarşı quldurluq etməkdə şübhəli bilinənlər saxlanılıblar. Saxlanlan şəxslər, Salyan rayon sakinləri - 1997-ci il təvəllüdlü Xanbala Vüqar oğlu Qurbanov, 1996-cı il təvəllüdlülər Xəyal Vüqar oğlu Səmədov və Yusif Aslan oğlu Əliyev barəsində cinayət işi başlanıb, araşdırma aparılır.