Şəkidə avtomobil səkiyə çırpılıb

Sürücü hadisə yerində vəfat edib

Şəki şəhərində ölümlə nəticələnən yol-nəqliyyat hadisəsi baş verib. Fövqəladə Hallar Nazirliyindən verilən məlumata görə, İnçə kəndində VAZ markalı minik avtomobili yol kənarındakı səkiyə çırpılması nəticəsində yol nəqliyyat qəza hadisəsi baş verib. Nəticədə avtomobilin sahibi 1989-cu il təvəllüdlü Züliyev Orxan Yunis oğlu aldığı bədən xəsarətlərindən hadisə yerində vəfat edib. Onun meyiti yanğınsöndürən-xilasedicilər tərəfindən müxtəlif kəsici alətlərdən istifadə olunmaqla avtomobildən çıxarılaraq aidiyyəti üzrə təhvil verilıb. Avtomobildə olan sərnişin isə müxtəlif bədən xəsarətləri ilə yanğınsöndürən-xilasedicilər hadisə yerinə çatana kimi Təcili Tibbi yardım tərəfindən xəstəxanaya aparılıb.