Bakıda əməliyyat: gürcülərdən ibarət dəstə zərərsizləşdirildi

Bakıda oğurluqla məşğul olan dəstə zərərsizləşdirilib. Lent.az-ın Daxili İşlər Nazirliyinin saytına istinadən məlumatına görə, Nizami (Gəncə) RPİ əməkdaşlarının həyata keçirdikləri əməliyyat-axtarış tədbirləri nəticəsində martın 17-də Nail Əsgərovun evindən 10000 ABŞ dolları, 10000 manat dəyərində qızıl əşyalar, 3 ədəd mobil telefon, geyim və məişət əşyaları oğurlamış şəxslər müəyyən edilib. Əməliyyat tədbirləri nəticəsində Gürcüstan vətəndaşları Qriqoriy Kuraşvili, Nika Bumbeşvili və Qiyantsa Salakadze tutulub.

Araşdırmalar davam etdirilir.