Əfqanıstandan vətəndaşı Bakıda qız qaçırdı

Qızın anası polisə müraciət edib

Bakıda xarici ölkə vətəndaşı qız qaçırıb. Lent.az-ın məlumatına görə, Yasamal rayon sakini, 1965-ci il təvəllüdlü Xanım Quliyeva (ad və soyad şərtidir) qızının Əfqanıstan vətəndaşı tərəfindən qaçırılması ilə bağlı rayon polis idarəsinə müraciət edib. 50 yaşlı qadın bildirib ki, qızı, 26 yaşlı Aytən aprelin 15-də axşam saatlarında yaşadığı binanın qarşısından qaçırılıb. Şikayətçi övladının tapılaraq evinə qaytarılmasını xahiş edib.İlkin araşdırmalardan sonra qızın Əfqanıstan Respublikasının vətəndaşı Məhsud Nuri tərəfindən qaçırılması müəyyən edilib. Müraciət əsasında araşdırmalar davam etdirilir.