Bakıda qadın 9-cu mərtəbədən yıxıldı

Qadının intihar edib-etməməsi araşdırılır

Bakının Suraxanı rayonunda qadın özünü yaşadığı binadan atıb. Suraxanı rayon Polis İdarəsi 30-cu polis bölməsinin müstəntiqi Xaliq Məmmədovun ANS PRESS-ə verdiyi məlumata görə, Hövsan qəsəbəsində bir nəfərin hündürlükdən yıxılması barədə məlumat daxil olub. Daxil olan məlumata əsasən hadisə yerinə gedən polis əməkdaşları bir qadının 9-cu mərtəbədən yıxıldığı müəyyən ediblər. İlkin məlumatlara görə, qadın intihar edib. Lakin qadının kimliyi və hadisənin baş vermə səbəbləri araşdırmalardan sonra məlum olacaq. Faktla bağlı araşdırma aparılır.