Balakəndə 5, Yevlaxda 4 otaqlı ev yanıb

Balakən rayonu, Qaysa kəndində vətəndaşa məxsus evdə yanğın baş verib. Fövqəladə Hallar Nazirliyindən verilən məlumata görə, nəticədə ümumi sahəsi 140 kv.m olan birmərtəbəli 5 otaqlı evin yanar konstruksiyaları 108 kv.m sahədə yanıb. Evin qalan hissəsi yanğından mühafizə olunub. Həmçinin, Yevlax rayonu, Aşağı Bucaq kəndində, 2 ailəyə məxsus, taxta konstruksiyalardan ibarət ümumi sahəsi 128 kv.m olan birmərtəbəli 4 otaqlı evin yanar konstruksiyaları yanıb. Evə bitişik ümumi sahəsi 80 kv.m olan ev yanğından mühafizə olunub. Hər iki yanğın yanğınsöndürənlər tərəfindən söndürülüb.