Bir gündə 15 avtomobildən oğurluq edib

Binəqədi RPİ 7-ci PB əməkdaşlarının həyata keçirdikləri əməliyyat-axtarış tədbirləri nəticəsində oğurluqla məşğul olan Adil Məmmədov tutulub. DİN-dən verilən məlumata görə, onun ətrafında aparılan əməliyyat tədbirləri zamanı cari ilin fevral ayı ərzində və mart ayının 1-də 15 nəfər paytaxt sakininə məxsus avtomobillərdən pul, mobil telefon, sənəd, qızıl və digər əşyalar oğurladığı aşkar olunub. Bakı şəhər sakini olan A.Məmmədovun əvvəllər məhkum olunması müəyyən edilib.