Gürcüstan vətəndaşı Azərbaycanda tapança və civə ilə tutuldu

Balakəndə Gürcüstan vətəndaşından tapança, civə və narkotik maddə götürülüb. Daxili İşlər Nazirliyinin (DİN) mətbuat xidmətindən Trend-ə verilən məlumata görə, Balakən rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Gürcüstan vətəndaşı Ziyatxan Əlləzovdan tapança və 2,3 qram civə götürülüb. Onun Balakən şəhərindəki evinə baxış zamanı 1,5 qram tiryək də aşkar edilərək götürülüb.