Bakıda əmioğlular sexdə yandı

Bakıda dəmir sexində yanğın baş verib. Nizami Rayon Polis İdarəsindən APA-ya verilən məlumata görə, yanğın bu gün saat 11.26-da  Keşlə qəsəbəsində yerləşən dəmir sexində qeydə alınıb. Ümumi sahəsi 500 kv.m olan dəmir sexi 12 kv. m ərazidə yanıb. Yanğın nəticəsində sexdə işləyən  Rövşən Sahilov və əmisinin oğlu Haqverdi Sahilov müxtəlif dərəcəli yanıq xəsarətləri ilə xəstəxanaya yerləşdirilib. Hazırda yanğının baş vermə səbəbləri araşdırılır.