Bakıda saxta zərgərlik məlumatları satan dələduz qadınlar tutulub

Bakıda 42 min manatlıq saxta zərgərlik məlumatları satan iki qadın tutulub. Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, Binəqədi rayon Polis İdarəsi 6-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində 2014-cü il avqust ayında Bakı şəhər sakini Gülşən İmranovanın etibarından sui-istifadə edərək 42000 manat dəyərində saxta zərgərlik məmulatları satmaqla dələduzluq əməli törətməkdə şübhəli bilinən Bakı şəhər sakinləri - 1959-cu il təvəllüdlü Asyaxanım Hüseynova və 1961-ci il təvəllüdlü Sevinc Orucova tutulublar.

Qeyd edək ki, dələduzluq etmiş qadınları hər ikisi əvvəllər məhkumluq həyatı yaşayıb. Faktla bağlı araşdırmalar davam etdirilir.