Qubadan Xaçmaza sərnişin daşıyan avtobus qəzaya uğrayıb

Qubadan Xaçmaza sərnişin daşıyan avtobus qəzaya düşüb. Hadisə dünən saat 16:30 radələrində qeydə alınıb. 27 AC 649 dövlət nömrə nişanlı sərnişin avtobusu Quba-Xaçmaz yolunun 6-cı km-də, Quba rayonun Bağbanlı kəndi ərazisində ağaca çırpılıb. Avtobus reysi başa vurub bazaya qayıtdığından nəqliyyat vasitəsində yalnız  sürücü  olub. Maşının qarşısına çıxan mal qaranı  vurmamaq üçün səy göstərən sürücü avtobusu ağaca çırpıb. Qəza nəticəsində sürücü 34 yaşlı Sumqayıt şəhər  sakini Firuz Babayev xəsarət alaraq  Quba rayon Mərkəzi Xəstəxanasına çatdırılıb. ("OLAYLAR"İA)