Bakıda oğru Zita tutuldu

Oğurluq etdiyinə görə tutulmuş Bakı şəhər sakinindən narkotik vasitə götürülüb. Daxili İşlər Nazirliyinin (DİN) mətbuat xidmətindən Trend-ə verilən məlumata görə, Nəsimi rayon Polis İdarəsi 22-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 22-də Lerik rayon sakini Vüsal Babayevin cibindən 47 manatını və sənədini oğurlamış şəxs tutulub. Bu, Bakı şəhər sakini, əvvəllər məhkum olunmuş Zita Zolotoryovadır. Tutularkən ondan 3,72 qram tiryək də götürülüb.