Silah-sursat və külli miqdarda narkotik tapıldı

Bakı şəhər BPİ Narkotiklə Mübarizə İdarəsi əməkdaşları əməliyyat keçiriblər. "Qafqazinfo" Bakı şəhər BPİ-ə istinadən xəbər verir ki, Sabirabad rayon sakini 1965-ci il təvəllüdlü Nağı Həmidovdan 5 kiloqram 100 qram qurudulmuş marixuana aşkar olunaraq götürülüb.  Binəqədi Rayon Polis İdarəsi 5-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində, Bakı şəhər sakini əvvəllər məhkum olunan 1978-ci il təvəllüdlü Rəşad Hüseynovdan 0,362 qram heroin, 1 ədəd nömrəsi silinmiş 7,65 mm çaplı "Mauzer" markalı tapanca və ona aid 8 ədəd patron aşkar olunaraq götürülüb.