Bakıda əcnəbi yol qəzasında yaralandı

Yaralı ağır vəziyyətdə xəstəxanaya yerləşdirilib

Bu gün Bakının Nəsimi rayonu ərazisində ağır yol qəzası baş verib. Bakı şəhər DÖvlət Yol Polis İdarəsindən Anspress-ə verilən məlumata görə, hadisə səhər saatlarında Səməd Vurğun küçəsilə Şəmsi Bədəlbəyli küçəsinin kəsişməsində baş verib. Həmin ərazidə "Hyundai" markalı avtomobillə "VAZ-2106" markalı avtomobil toqquşub. Qəza nəticəsində bir neçə nəfər yaralanıb. Yaralılar içərisində İngiltərə vətəndaşı 33 yaşlı Ceriz Pilpodun vəziyyəti nisbətən ağır olub. Onu xəstəxanaya aparıblar. Faktla bağlı araşdırma aparılır.