Bakıda evdən 30 min manat oğurlandı

Bakıda mənzildən külli miqdarda pul və qızıl-zinyət əşyaları oğurlayan dəstə yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində noyabrın 22-də Zahidə Həsənovanın evindən quldurluq yolu ilə 5000 manat və 5500 ABŞ dolları, habelə 15000 manat dəyərində qızıl əşyalar aparmış Bakı şəhər sakinləri Vəli Allahverdiyev, Xəyal Məmmədov və Sadiq Bayramov tutulublar.