Bakıda kran piyadanı vurub öldürdü

Bakıda piyadanın ölümü ilə nəticələnən yol nəqliyyat hadisəsi baş verib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, noyabrın 17-də saat 09 radələrində Nərimanov rayonunun Z.Bünyadov prospektində İmişli rayon sakini Elşad Babayev idarə etdiyi "Lipheker" markalı kranla yolu keçən Emin Həsənovu vurub. Nəticədə xəstəxanaya yerləşdirilmiş E.Həsənov ölüb. Nərimanov  RPİ tərəfindən araşdırmalar aparılır.