FHN bir gündə sudan iki meyid çıxardı

Azərbaycanda bir gündə iki nəfər suda boğulub ölüb. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Mingəçevir su anbarında 1995-ci il təvəllüdlü Şəmsi Əkbər oğlu Həmidovun batması barədə məlumat daxil olub. Dərhal Fövqəladə Hallar Nazirliyinin dalğıc-xilasediciləri hadisə yerinə cəlb edilmiş və axtarışlara başlayıb. Ən yaxın xilasetmə məntəqəsindən, təxminən, 800-900 m aralıda, su anbarının nəzarət olunmayan hissəsində batmış Ş.Həmidovun cəsədi xilasedicilər tərəfindən tapılaraq sudan çıxarılmış və aidiyyəti üzrə təhvil verilib. Əməliyyat saat 16:45-də başa çatıb.  Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Gəncə çayının Göygöl şəhəri ərazisindən keçən hissəsində 1993-cü il təvəllüdlü Eyyubov Toğrul Eyvaz oğlu batıb. Dərhal Fövqəladə Hallar Nazirliyinin dalğıc-xilasediciləri hadisə yerinə cəlb olunub, T.Eyyubovun cəsədi dalğıc-xilasedicilər tərəfindən tapılaraq sudan çıxarılmış və aidiyyəti üzrə təhvil verilib. Əməliyyat saat 08:00-da başa çatıb.