Bakıda bu da oldu: 28 min avroluq əşyaları taksidə qoyub getdi

Polis həmin taksini axtarır

Bakıda Rusiya vətəndaşının başına maraqlı hadisə gəlib. Lent.az-ın məlumatına görə,"102" xidmətinə müraciət edən, Rusiya Federasiyası vətəndaşı Rostovski Georgi Anatoliyeviç taksidə bahalı əşyalarını unutduğunu bildirib. G.Rostovski bildirib ki, taksi ilə Tbilisi prospektinə gəlib və "Qafqaz" otelin yaxınlığında avtomobildən düşüb. Az sonra o, 10 min avro dəyəri olan kürkünü və 18 min avroluq çantasını taksidə unutduğunu başa düşüb. Avtomobil isə artıq uzaqlaşıbmış. Rusiya vətəndaşı deyib ki, taksidə unutduğu əşyalar brend markalardan olub. Hazırda axtarışlar davam etdirilir.