Bakıda gəncin böyrəyini parçaladılar

Cavadxan küçəsi 44 ünvanında bıçaqlanma baş verib

Ötən gecə Bakının Binəqədi rayonu ərazisində bıçaqlanma olub. Binəqədi rayon Polis İdarəsindən Anspress-ə verilən məlumata görə, hadisə Cavadxan küçəsi 44 ünvanında baş verib. Gecə saatlarında həmin küçədə dava düşüb. Dava zamanı 17 yaşlı İslam adlı gənc oğlan ağır bıçaq yarası alıb. Onu ağır vəziyyətdə xəstəxanaya yerləşdiriblər. 17 yaşlı gəncin böyrəyindən xəsarət aldığı deyilir. Onun böyrəyi dəğılıb. Hazırda həkim nəzarətindədir. Hadisənin kimin tərəfindən və nə səbəbə baş verməsi isə hələlik məlum deyil. Faktla bağlı araşdırma aparılır.