Ekspert: “Sentyabrda un və çörək məmulatlarının qiymətində artım istisna olunmur”

Avqust ayının ortalarından başlayaraq ölkənin ticarət mərkəzlərində satılan unun qiymətində  bahalaşma müşahidə olunur. İqtisadi və Sosial İnkişaf Mərkəzinin rəhbəri Vüqar Bayramov "Olaylar"a bildirib ki, Azərbaycanda unun qiymətinin bahalaşması dünya bazarında qiymətlərin dəyişməsi ilə əlaqədardır. Avqust ayından başlayaraq Rusiya və Qazaxıstan kimi taxıl istehsal edən ölkələrdə  buğdanın qiymətinin artımı müşahidə olunur. Dünya bazarında isə bu artəm 7,5 faizlə qeydə alınıb. Xüsusilə Rusiyada buğdanın qiyməti son bir ayda 6 faiz artıb. Eyni zmanda, Rusiya taxılın ixracı və satışınin məhdudlaşdırılması ilə bağlı qərar qəbul edib. Nəzərə alsaq ki, Rusiya taxıl idxalında Azərbaycanla əsas tərəfdaş ölkədir, bu halda taxıl idxalının məhdudlaşdırılması ölkəmizdə müəyyən dərəcədə taxıl qıtlığına gətirib çıxarmalı və qiymətlərin artımına təsir göstərməli idi. Azərbaycanda unun qiymətinin artmasına təsir edən digər amil məvsümün başa çatması, taxıl yığımının bitməsidir. Yəni əvvəlcədən ölkəyə gətirilmiş un məhsullarının satışı tamamlanır və yeni istehsal edilmiş taxılın bazara çıxarılması reallaşmayıb Bu isə bazarda istər yerli, istərsə də idxal taxılın  qıtlığına səbəb olur ki, nəticədə unun qiyməti bahalaşır: "Bir sözlə, un məhsullarının qiymətinin artmasının əsas səbəbləri dünya bazarında baş verən bahalaşma, Rusiyada taxıl istehsalının 6 faiz azalması, bu əlkənin taxıl istehsalına qadağa tətbiq etməsi və mövsümlə əlaqədar olaraq ölkə bazarında un qıtlığının müəahidə edilməsilə əlaqədardır". İqtisadçının bildirdiyinə görə, hələlik un məmulatlarının qiymətlərinidə artımın müşahidə olunmaması sahibkarların əvvəlki qiymətə aldıqları undan istifadə etmələri ilə bağlıdır: "Lakin güman olunur ki, müəyyən müddətdən sonra unun qiymətinin qrtımı un məmulatlarında da hiss olunacaq. Güman olunur ki, sentyabr ayından başlayaraq un və çörək məhsullarının qiymətlərində də artımın müşahidə olunacağı istisna olunmur".