230 kiloqram mal satışdan çıxarıldı

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı Bakının Nərimanov rayonunda Aşıq Alı küçəsi, ev 7/19 ünvanında yerləşən "Avand market"də saxlama müddəti ötmüş və normativ-texniki sənədlərin tələblərinə uyğun olmayan malların satıldığı, eləcə də satışda olan malların qiymət kağızlarının düzgün tərtib edilmədiyi müəyyənləşdirilmişdir.  Səbail rayonunda Puşkin küçəsi, ev 5, mənzil 4/12 ünvanında yerləşən "A.F. market"də; Xəqani küçəsində "Firuzə market"də və Vaqif  Hüseynova məxsus mağazada; Ə.Cavad küçəsi, 22/120 ünvanında yerləşən "Şəki market"də; R.Behbudov və Xəqani küçələrinin kəsişməsində Ağasəlim Ağaəli oğluna məxsus mağazada; Nərimanov rayonunda Ə.Rəcəbli küçəsi, ev 26 ünvanında Dövlətxan Sarıyevə məxsus mağazada; F.X.Xoyski prospektində yerləşən "Təzə market"də və Kamil Hüseynova  məxsus mağazada; Ə.Əbdülrəhimov küçəsi, 120, bina 126 ünvanında yerləşən "Aysu market"də saxlama müddəti ötmüş malların satıldığı və satışda olan malların qiymət kağızlarının düzgün tərtib edilmədiyi müəyyənləşdirilmişdir. Sumqayıt şəhərində 2-ci mikrorayon, Sülh küçəsində İsa Cabbarova məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların satıldığı aşkarlanmışdır.  Gəncə şəhərində İsrafilbəyov küçəsində Ceyhun Qəhrəmanova məxsus mağazada; Mingəçevir şəhərində Təbriz küçəsi, 23 ünvanında yerləşən "Uğur market"də; Puşkin küçəsində yerəşən "Sahibkar" mağazasında isə saxlama müddəti ötmüş malların satıldığı müəyyənləşdirilmişdir. Ümumilikdə, monitorinqlər zamanı 230 kq-dan çox ərzaq malları aşkar olunmuş, satışdan çıxarılaraq məhv edilmişdir.  Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.