Ötən ay BTC ilə 2,1 milyon ton Azərbaycan nefti nəql olunub

2012-ci ilin iyul ayı ərzində BTC əsas ixrac boru kəməri vasitəsilə 2 milyon 120 min 627 ton Azərbaycan nefti nəql olunub. ARDNŞ-dən "Azadinform"a verilən məlumata görə, cari ilin yanvar-iyul aylarında bu kəmərlə 17 milyon 888 min 544 ton neft ötürülüb. Ümumiyyətlə, kəmər istifadəyə verilən gündən 2012-ci il avqust ayının 1-nə qədər BTC-yə 193 milyon 669 min 186 ton neft vurulub. Bundan başqa, cari ilin iyul ayında BTC kəməri ilə 232 min 277 ton Türkmənistan nefti nəql olunub.