"Nokia" Finlandiyada mobil telefon istehsalını dayandırır

İstehsalın dayandırılması nəticəsində 780 nəfər işdən azad ediləcək

Finlandiyanın Salo şəhərində yerləşən "Nokia" şirkətinin mobil telefon istehsalı üzrə fabriki bu ilin sentyabrında işini dayandıracaq. Müəssisə "Nokia"nın Finlandiyadakı yeganə istehsalat sahəsidir və son telefon aparatı burada iyulun 25-də buraxılıb.
İstehsalın dayandırılması nəticəsində 780 nəfər işdən azad ediləcək. Lenta-nın məlumatına görə, şirkət işdən azad ediləcək əməkdaşlarına xüsusi dəstək proqramını təklif etmək niyyətindədir.
Xatırladaq ki, "Nokia" istehsalın Şərqi Asiyaya koçürülməsi planları ilə fevralda bölüşmüşdür. 2012-ci ildə şirkət həmçinin Almaniya və Kanadada elmi-tədqiqat mərkəzlərini bağlayıb. Bu addımla şirkət 2013-cü ilin sonuna 2 milyard dollara qənaət etmək niyyətindədir.