Tramp Afrikaya ticarət güzəştlərini bərpa etdi

ABŞ Prezidenti Donald Tramp 32 Afrika ölkəsinin Amerika bazarına rüsumsuz daxil olmasını təmin edən güzəştli ticarət rejimini rəsmən bərpa etdi.

Olaylar.az xəbər verir ki, bu barədə xarici KİV-lər məlumat yayıb.

25 il əvvəl əsası qoyulan bu ticarət sazişi 2026-cı il dekabrın 31-nə qədər uzadılıb. Razılaşma çərçivəsində Afrika ölkələrindən gələn 1800-dən çox məhsul (avtomobillər, geyim, neft və kənd təsərrüfatı məhsulları) ABŞ-yə gömrük rüsumu ödənilmədən daxil olacaq.

ABŞ Dövlət Departamenti vurğulayıb ki, hazırda Vaşinqton administrasiyası Afrika ölkələri ilə qarşılıqlı əlaqə strategiyasına yenidən baxır.