Azərbaycanda bu şəxslərə kompensasiya veriləcək

Qız Qalası su anbarından magistral suvarma kanalının tikintisi layihəsi çərçivəsində torpaq sahələri üzrə mülkiyyətçilərə dəyən zərərlə əlaqədar olaraq kompensasiyalar veriləcək.

Olaylar.az bu barədə Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyətindən məlumat əldə edib.

Məlumata görə, qurum bu istiqamətdə hazırlıqları başa çatdırıb və kompensasiyanın hesablanması üçün müstəqil qiymətləndirmə üzrə komissiya müəyyənləşdirib.

Belə ki, Füzuli rayonu üzrə 4 ədəd bələdiyyə, 177 ədəd xüsusi mülkiyyətdə olan torpaq sahələrinin qiymətləndirilməsi həyata keçiriləcək.