“AzərEnerji” və “ACWA Power” rəhbərlərinin görüşü olub

"AzərEnerji" ASC-nin idarə heyyətinin sədri Baba Rzayevlə Səudiyyə Ərəbistanı Krallığının ACWA Power şirkətinin idarə heyətinin sədri Mohammad Abunayyan arasında görüş olub.

Görüşdə 240 MVt gücündə "Xızı-Abşeron" Külək Elektrik Stansiyasının enerjisistemə qoşulması, əməkdaşlığın mövcud vəziyyəti və gələcək perspektivlər haqda fikir mübadiləsi aparılıb.

Bərpa olunan enerji mənbələrinin inkişafı, həmin güclərin enerjisistemə təhlükəsiz inteqrasiyası, enerjinin idarə edilməsi, batareya saxlanc sistemləri də daxil olmaqla yeni texnologiyaların tətbiqi görüş zamanı geniş müzakirə olunub.