Ölkəmizdə iqtisadi artım müsbət dinamika ilə inkişaf edir - ÖZƏL

"Dövlətin apardığı uğurlu sosial-iqtisadi siyasət nəticəsində əhalinin rifah halının yaxşılaşdırılması, yoxsulluq səviyyəsinin azaldılması, az təminatlı ailələrin sosial müdafiəsinin gücləndirilməsi müntəzəm olaraq nəzarətdədir". "Olaylar" xəbər verir ki, bunu Milli Məclisin deputatı Nəsib Məhəməliyev deyib: "Bu gün Hökumətin qarşısında duran əsas hədəf, işğaldan azad edilmiş ərazilərin yenidən həyata qaytarılmasıdır. Belə ki, 2026-cı ilin dövlət büdcəsində Qarabağ və Şərqi Zəngəzur iqtisadi rayonlarında infrastrukturun yaradılması, kənd təsərrüfatı və sənaye potensialının reallaşdırılması üçün 3 mlrd 500 milyon manat vəsaitin ayrılması zəruridir. 2021-ci ilin əvvəlindən başlayan, pandemiya ilə bağlı tətbiq olunan məhdudlaşdırıcı tədbirlərin qalıcı təsirləri, Rusiya-Ukrayna müharibəsi, Yaxın Şərqdə baş verən hadisələr, regionda nəqliyyat-kommunikasiyaların tam açılmaması, daşıma və logistika xərclərinin yüksəlməsinə səbəb olmuşdur. Bütün bunlara baxmayaraq, ölkəmizdə iqtisadi artım müsbət dinamika ilə inkişaf edir".