Əmək haqlarına standartlar və ya normativlər tətbiq oluna bilər

"Əmək haqlarına standartların və ya normativlərin tətbiqinin zamanı çatıb". Lent.az-ın məlumatına görə, bunu jurnalistlərə açıqlamasında Dövlət Sosial Müdafiə Fondunun sədri Səlim Müslümov bildirib. Fond sədrinin sözlərinə görə, bu, vergidən yayınma, ikili mühasibatlıq kimi problemlərin həllini tapmasına kömək edəcək: "Türkiyədə də bu sistem tətbiq olunacaq. Bu, o deməkdir ki, məsələn tikinti şirkətində çalışan mühəndisin maaşı 500 manatdan aşağı olmamalıdır. Yəni əmək haqlarında standart tətbiq olunacaq. Bununla da vergidən yayınma, ikili mühasibatlıq kimi problemlər aradan qalxacaq".