Dövlət Gömrük Komitəsinə məxsus avtomobillər satışa çıxarılır

Dövlət Gömrük Komitəsinə məxsus bir sıra nəqliyyat vasitələri hərraca çıxarılır.

Olaylar.az İqtisadiyyat Nazirliyi yanında Əmlak Məsələləri Dövlət Xidmətindən əldə etdiyi məlumata görə, siyahıda ümumilikdə 56 ədəd nəqliyyat vasitəsi yer alıb.

Satışa çıxarılan nəqliyyat vasitələrinin buraxılış ili 2003-cü ildən 2013-cü ilədək, start qiyməti isə 89 600 manatdan başlayır.

Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) hərracın keçirilməsinə ən gec 3 (üç) bank günü qalanadək qəbul olunacaq.