Qablaşdırılmamış çörəyin satışı qadağan ediləcək

Yaxın vaxtlarda çörək məhsullarının qablaşdırılması üzrə milli standartın qəbul ediləcəyi gözlənilir. Bu barədə məlimat verən Standartlaşdırma, Metrologiya və Patent üzrə Dövlət Komitəsinin Texniki Tənzimləmə və Standlaşdırma üzrə Dövlət Nəzarəti Xidmətinin rəisi Əbülfət İmanovun sözlərinə görə, bu milli standart çörək və çörək məhsullarının daşınması zamanı mövcud olan problemləri aradan qaldıracaq: "Hazırda Azərbaycanda çörəklə bağlı 4 standart mövcuddur. Lakin həmin standartlarda çörəyin qablaşdırılması nəzərdə tutulmur. Beynəlxalq təcrübədə isə belə standart tətbiq edilir. Hazırda yeni standart barədə müvafiq orqanlarla razılaşma aparılır".