Azərbaycan 5 il valyuta ehtiyatları hesabına yaşaya bilər

"Neft ixrac etməsək valyuta ehtiyatlarımız 5 il özümüzü təmin etməyə kifayət edər". Bunu parlament komitələrinin 2014-cü il Dövlət büdcəsinin müzakirəsi zamanı İqtisadiyyat və sənaye nazirinin müavini Sevinc Həsənova bildirib. Nazir müavini qeyd edib ki, ehtiyatlarımız xarici borclanmanı dəfələrlə üstələyir. "Xarici borclanma ÜDM-in cəmi 7-8 faizini təşkil edir". S.Həsənova bildirib ki, hər il ölkədə qeyri-neft sektoru inkişaf edir, ÜDM-də onun payı artır: "Biz bu inkişafla 2020 konsepsiyasında göstəricilərə çatacağıq. Bizim strategiyanın əsas vəzifəsi də budur". O, ölkədə siyasi sabitliyin təminatı əsasında makroiqtisadi sabitliyin təmin olunduğunu deyib.