Ermənistan Rusiyadan 1 milyard dollar borc istəyir

Ermənistan hökuməti Rusiyadan külli-miqdarda kredit istəmək qərarına gəlir. Lent.az-ın Ermənistanın "Aykakan jamanak" qəzetinə istinadən verdiyi xəbərə görə, söhbət 1 milyard dollardan gedir. Qəzetin yazdığına görə, rəsmi İrəvan kreditin ilk tranşını təcili, elə bu ilin payızına kimi əldə etmək niyyətindədir. Rusiya tərəfinin xahişə nə cavab verəcəyi bəlli deyil.
Qəzetin yazdığına görə, Rusiyadan fərqli Avropa İttifaqı artıq Ermənistana rədd cavabı verib. Ermənistan İttifaq çərçivəsində 1 milyard 500 milyon kredit almaq istəsə də, onun xahişinə baxılmayıb.