"AzerGold"un ixrac gəlirləri 5 dəfədən çox artıb

Cari ilin yanvar-fevral aylarında "AzerGold"un ixrac gəlirləri 21,6 milyon ABŞ dolları təşkil edib.

Bu barədə Olaylar.az İqtisadi İslahatların Təhlili və Kommunikasiya Mərkəzinin (İİTKM) açıqladığı "İxrac icmalı"nın mart sayına istinadən xəbər verir.

Məlumata görə, bu göstərici ötən ilin eyni dövrü ilə müqayisədə 17,4 milyon ABŞ dolları və ya 5,1 dəfə çoxdur. Belə ki, 2024-cü il yanvar-fevral aylarında "AzerGold"un ixrac gəlirləri 4,2 milyon ABŞ dolları olub.

Qeyd edək ki, 2025-ci ilin yanvar-fevral ayında qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına SOCAR-ın Marketinq və İqtisadi Əməliyyatlar İdarəsi başçılıq edir. Daha sonra bu siyahıda aşağıdakı şirkətlər təmsil olunublar: "SOCAR Polymer " MMC, "Azəralüminium" MMC, "AzerGold" QSC, Azərbaycan Respublikası Dövlət Neft Şirkətinin Qaz İxrac İdarəsi,"Azərpambiq Aqrar Sənaye Kompleksi" MMC, "Azərbaycan Hava Yollari" QSC, "Azərenerji" ATSC, Naxçıvan MR Dövlət Energetika Xidməti, "Qaradağ Şüşə Zavodu" ASC.