ARDNŞ Xəzərdə yeni yataqların qazılmasına başlayıb

Azərbaycan Respublikası Dövlət Neft Şirkəti (ARDNŞ) "Günəşli" yatağındakı 13-cü özüldən 350 nömrəli quyuda qazma işlərinə başlayıb. Bu barədə ARDNŞ-in yaydığı məlumatda bildirilir.
Layihə dərinliyi 3450 metr olan quyu ARDNŞ-nin "SOCAR AQŞ" Müştərək Müəssisəsi tərəfindən Fasilə Lay Dəstəsinə qazılır. Geoloqların hesablamalarına görə, quyudan sutkada 100 ton neft hasil ediləcək.

Quyuda istismar işləri "28 May" NQÇİ tərəfindən həyata keçiriləcək.