Azərbaycanın üç rayonunun qaz təchizatında məhdudiyyətlər olacaq

Təmir işləri ilə əlaqədar olaraq bu gün 14:00-dan "Kövər", "Bərdə-Samux", "Bərdə", "Tərtər" və "Cəyirli" ölçü qovşaqlarında təbii qaz təchizatı dayandırılacaq. Azərbaycan Dövlət Neft Şirkətindən "APA-ECONOMICS"ə verilən məlumata görə, təmir işləri müddətində Yevlax rayonunun Kövər, Malbinəsi, Qoyunbinəsi, Qaramanlı, Hacımahmudlu kəndləri daxil olmaqla, Bərdə və Tərtər rayonlarına təbii qazın verilməsində fasilələr yaranacaq.