I yarımildə dövlət istiqrazları üzrə ödənişlərin məbləği açıqlanıb

Bu ilin I yarısında Azərbaycanın daxili maliyyə bazarında dövlət istiqrazlarının yerləşdirilməsindən əldə olunan vəsait hesabına əvvəlki illərdə buraxılmış dövlət istiqrazları üzrə vaxtı çatmış 825,5 milyon manat məbləğində əsas borc ödənişləri investorlara geri qaytarılıb.

Olaylar.az bu barədə Maliyyə Nazirliyinə istinadən xəbər verir.

"Bununla yanaşı, hesabat dövründə investorlara 170,1 milyon manat məbləğində faiz və diskont ödənişləri həyata keçirilib", - məlumatda qeyd olunub.