Rusiya Ermənistana satdığı qazın qiymətini aşağı salmayacaq

"Ermənistanın Gömrük İttifaqına daxil olmasından sonra da Rusiyadan ölkəyə ehtiyat üçün idxal edilən hər 1000 kubmetr qaza görə ödənilən məbləğ 189 ABŞ dolları dəyərində hesablanacaq" - Ermənistanın energetika və təbii sərvətlər naziri Armen Movsisyan yerli mətbuata açıqlamasında belə deyib. Movsisyan qeyd edib ki, Rusiyanın "Qazprom" şirkəti Ermənistana satdığı qaza görə 270 dollar vergi alır: "Qeyd edilən məbləğ yalnız müəyyən müzakirələrdən sonra 30%-i dotasiya edilə bilər. Bu isə o deməkdir ki, Rusiya GB-ya üzvlükdən sonra da qazın qiymətini aşağı salmayacaq". ("OLAYLAR" İA)