Gömrük əməkdaşları üçün növbəti təlimlər keçirilib - FOTO

21 Avqust 2023 19:05 İqtisadiyyat

Ümumdünya Gömrük Təşkilatının Bakı şəhərindəki Potensialın Gücləndirilməsi üzrə Avropa Regional Ofisində Dövlət Gömrük Komitəsinin ərazi gömrük idarələrinin və postlarının əməkdaşları üçün növbəti təlimlər keçirilib.

Olaylar.az xəbər verir ki, gömrük nəzarətinin təşkili, gömrük yoxlaması, beynəlxalq tranzit, "Yaşıl dəhliz" və əqli mülkiyyət hüquqları mövzularında keçirilən təlimlərin məqsədi gömrük əməkdaşlarının potensialını gücləndirmək, bilik və bacarıqlarını artırmaqdır.

İnteraktiv qaydada keçirilən təlimlərdə Dövlət Gömrük Komitəsinin mütəxəssisləri gömrük əməkdaşlarına təqdimatlar əsasında məlumatlar verib, onların suallarını cavablandırıblar.

Təlimlərdə Sumqayıt Gömrük İdarəsi, "Kürdəmir", "Şirvan", "Poçt və ekspres daşımalar" gömrük postları üzrə ümumilikdə 16 əməkdaş iştirak edib.

Təklifinizi, şikayətinizi bizə yazın. Sizi dinlərik. 055 634 88 31