Mikro-biznes kreditlərinin verilməsinin sadələşdirilməsi müzakirə edildi

Mərkəzi Bankın sədri Taleh Kazımovun iyulun 20-də Azərbaycan Banklar Assosiasiyasının nəzdində fəaliyyət göstərən Ekspert Qrupları ilə görüşü keçirilib.

Olaylar.az xəbər verir ki, bu barədə Mərkəzi Bank məlumat yayıb.

Bildirilib ki, görüşdə Banklararası Kart Mərkəzinin inkişaf hədəfləri, bank-fintex mühitinin tənzimlənməsi, mikro-biznes kreditlərinin verilməsinin sadələşdirilməsi, məsafədən bank hesablarının açılması, kiber risklərlə bağlı tənzimlənmə çərçivəsinin təkmilləşdirilməsi və digər məsələlər müzakirə edilib. Həmçinin, sadalanan sahələrin hüquqi tənzimlənməsi istiqamətində ətraflı fikir mübadiləsi aparılıb.