Dövlət büdcəsinin kəsiri 210 milyon manat artırılır - ÖZƏL

Yenidən baxılmış  2023-cü ilin dövlət büdcəsinin kəsiri 210,0 milyon manat artırılaraq 2789,3 milyon manat məbləğinə çatdırılır. Maliyyə Nazirliyindən Olaylar-a bildirilib ki,  kəsirin artımının maliyyələşdirilməsi  daxili borclanmadan cəlb olunan vəsait və özəlləşmədən əlavə daxilolmalar hesabına təmin ediləcəkdir. Kəsirin cari ilin sonuna gözlənilən ümumi daxili məhsula nisbəti 2,5 faiz həcmində olacaqdır.