Vergidən yayınanlar cəzalandırılıb

6 ay ərzində Tovuz, Ağstafa və Qazax rayonlarında 192 inzibati protokol tərtib edilib

Nəqliyyat Nazirliyinin "Avtonəqliyyatservis" Departamentinin 11 nömrəli "Regionalnəqliyyat" MMC Tovuz, Ağstafa və Qazax rayonlarında vətəndaşlara nəqliyyat xidməti göstərən şəxslərdən sərnişin və yük daşınmalarına görə ödənilən vergilərə nəzarət edir. Cəmiyyətdən AzərTAc-a bildiriblər ki, cari ilin yanvar-iyun aylarında MMC tərəfindən nəqliyyat xidməti göstərən 2376 minik və yük maşını qeydiyyata alınıb, onlara fərqlənmə nişanı verilib, büdcəyə 47 min 222 manat vəsait ödənilib.

Cari ilin 6 ayı ərzində lisenziyası və digər sənədləri qaydasında olmayan hüquqi və fiziki şəxslər barəsində 192 ədəd inzibati protokol tərtib edilib.